តាមរយៈការសិក្សារឿងថៅកែចិត្តចោរ ដែលជាស្នាដៃអក្សរសិល្ប៍ទំនើប របស់លោក អ៊ំ ឈឺន និង ពៅ យូឡេង បានបង្ហាញឲ្យឃើញពីភាពលំបាកវេទនារបស់តួអង្គ ហំ ដែលត្រូវទទួលបន្ទុករ៉ាប់រងក្រុមគ្រួ សារ។ អាស្រ័យហេតុនេះហើយទើបធ្វើឲ្យ ហំ ហ៊ានប្រព្រឹត្ត អំពើទុច្ចរិតដើម្បីចិញ្ចឹមគ្រួសាររហូតត្រូវមានទោសជាប់គុក។ ការជាប់គុករបស់ពូ ហំ ធ្វើ ឲ្យលេចចេញជាទស្សនៈមួយថា “ពូហំមានទោសជាប់គុកបណ្តាលមកពីបញ្ហាគ្រួសារ” តើមតិនេះត្រឹមត្រូវដែររឺទេ?
ជាបឋមដើម្បីឲ្យការបកស្រាយវែកញែករកខុសត្រូវនូវបញ្ហា របស់ប្រធានឲ្យបាន ក្បោះក្បាយ និង សមហេតុផលយើងគប្បីយល់នូវន័យរបស់ប្រធានជាមុនសិន។ តាមន័យ របស់ប្រធានចង់និយាយាថា ពូហំ ត្រូវច្បាប់កាត់ទោសឲ្យជាប់គុក បណ្តាលមក ពីគ្រូសារគាត់ក្រីក្រពេកជាហេតុធ្វើឲ្យគាត់ហ៊ានប្រព្រឹត្តអ្វីមួយខុសច្បាប់។
ដូចនេះទស្សនៈដែលថា ពូហំមានទោសជាប់គុកបណ្តាលមក ពីបញ្ហាគ្រួសារពិត ជាត្រឹមត្រូវណាស់។ តើការជាប់គុករបស់ពូហំ បណ្តាលមកពីបញ្ហាគ្រួសារតែមួយមុខឬយ៉ាងណា? បើយើងពិចារណាឲ្យបានស៊ីជម្រៅជាងនេះទៅទៀត យើងឃើញថា ការជាប់គុករបស់ពូហំពុំមែនកើតមកពីគ្រួសារតែមួយផ្នែកប៉ុណ្ណោះទេ។ ដំណើររឿង បញ្ជាក់ថាថៅកែឡានរបស់ពូហំជាមនុស្សលោភលន់ ឈ្នានីស ចង់បំផ្លាញដៃគូរកស៊ី ដូចខ្លួនឲ្យរលំក៏កើតគំនិតអាក្រក់ អាងអំណាចទឹកលុយ យកលុយមកទិញទុច្ចរិតភាព របស់ពូហំឲ្យប្រព្រឹត្តអំពើទុច្ចរិតគឹ ឲ្យបើកឡានបុកឡានរបស់ថៅកែហុងលី។ ថៅកែ របស់ពូហំជាមនុស្សអាត្មានិយម មិនគិតពីសុខទុក្ខរបស់អ្នកក្រឡើយ។ នេះបើសិនជា ថៅកែឡានមិនយកទឹកលុយមកបញ្ជាពូហំទេ ពូហំក៏មិនធ្លាក់ខ្លួនក្លាយជា ពិរុទ្ធជនដែរ។ មានន័យថាបើថៅកែឡានមិនមានគំនិតរកស៊ីកេងប្រវញ្ច័ លោភលន់អាត្មានិយម ហើយ មិនយកទឹកលុយមកទិញក្បាលអ្នកក្រដូចជាពូហំនេះទេ ពូហំក៏គ្មានរឿងអ្វីកើតឡើងចំពោះផ្លូវច្បាប់ដែរ។ បើថៅកែចង់ដោះស្រាយឲ្យកម្មកររបស់គាត់មានជីវភាពធូរធារ គាត់ គួរតែតំឡើងប្រាក់ខែឲ្យបានច្រើនជាងនេះជាការប្រសើរ។
ដូចនេះការដែលពូហំមានទោសជាប់គុក មិនមែនមកពីបញ្ហាគ្រួសារទេគឺ បណ្តាល មកពីថៅកែរបស់ពូហំដែលប្រើអំណាចទឹកលុយ លោភលន់ កេងប្រវញ្ច័មកលើអ្នកក្រទន់ ខ្សោយ។
ឆ្លងតាមការបកស្រាយវែកញែកនូវមតិទាំងពីរខាងលើ យើងឃើញថា មតិទាំងពីរ សុទ្ធតែមានហេតុផលដូចៗ គ្នាគឺ គ្រួសារក្រីក្រតោកយ៉ាក ទើបបង្ខំចិត្តឲ្យពូហំហ៊ានធ្វើ អំពើទុច្ចរិត។ ម្យ៉ាងទៀតបើថៅកែមិនប្រើឲ្យហំធ្វើទេ ហំក៏មិនមានទោសអ្វីដែរ។ ពោលគឺ បញ្ហារបស់ពូហំបណ្តាលមកពីគ្រួសារផង និង មកពីថៅកែលោភលន់ផង។
សរុបសេចក្តីមកមតិរបស់ប្រធានខាងលើ មិនទាន់ត្រឹមត្រូវទាំងស្រុងទេគឺ ត្រូវគួប ផ្សំនឹងមតិផ្ទុយទៀតទើបមានលក្ខណៈគ្រប់គ្រាន់ និង ត្រឹមត្រូវ។
ដូចនេះយើងម្នាក់ៗ មិនត្រូវមានគំនិតកេងប្រវញ្ច័គ្នា លោភលន់ ឬ ឈ្នានីសគ្នាទេ ម្យ៉ាងទៀតយើងមិនត្រូវលក់ឧតម្តគតិខ្លួន បម្រើដល់ផលប្រយោជន៍ខ្លួន បំផ្លាញប្រយាជន៍ អ្នកដទៃឡើយព្រោះវានាំឲ្យមានគ្រោះថ្នាក់ដល់ខ្លួនវិញ។ ក្នុងនាមជាពលរដ្ឋត្រូវ ប្រកាន់ ខ្ជាប់នូវគោលការណ៍សីលធម៌ទើបនាំខ្លួនទៅរកត្រើយសុភមង្គល។
No comments :
Post a Comment